Saturday, July 21

സംവിധായകനെ മാറ്റി ഉപ്പും മുളകും വീണ്ടും വരുന്നു … ആഹ്ലാദത്തിൽ ആരാധകർ

Google+ Pinterest LinkedIn Tumblr +

സീരിയല്‍ സംവിധായകന്റെ അപമര്യാദയായ പെരുമാറ്റത്തിനെതിരെ വിമര്‍ശനവുമായി കഴിഞ്ഞ ദിവസമാണ് നിഷാ സാരംഗ് രംഗത്തെത്തിയത്. സംവിധായകനെ മാറ്റാതെ സീരിയലില്‍ തുടരില്ലെന്ന് നിഷ തുറന്നടിച്ചിരുന്നു.

നിഷയില്ലാതെ സീരിയല്‍ മുന്‍പോട്ട് പോകാനാകില്ലെന്ന് കണ്ടതോടെ ചാനല്‍ അധികൃതര്‍ സംവിധായകനെ മാറ്റും എന്ന തീരുമാനം അറിയിക്കുകയായിരുന്നു. ഇതോടെ നീലുവായി വീണ്ടും നിഷ എത്തുമെന്നും അറിയിച്ചു. മൂന്നു വര്‍ഷം പിന്നിട്ട സീരിയലിന്റെ തുടക്കകാലം മുതല്‍ സംവിധായകന്‍ ദുരുദ്ദേശ്യത്തോടെ സമീപിച്ചിരുന്നതായി നിഷ പറയുന്നു. മെസേജുകള്‍ അയച്ചായിരുന്നു തുടക്കം. പിന്നീടു നേരിട്ടും മോശമായി പെരുമാറുന്നതു തുടര്‍ന്നപ്പോള്‍ ചാനല്‍ അധികൃതരോടു പറയുകയും അവര്‍ അയാളെ താക്കീതു ചെയ്യുകയും ചെയ്തു.

പിന്നീട് പ്രതികാരബുദ്ധിയോടെ സംവിധായകന്‍ പെരുമാറുകയായിരുന്നു. അമേരിക്കയില്‍ പോയി തിരികെ എത്തിയ ശേഷം സീരിയലില്‍നിന്ന് ഒഴിവാക്കാനും ശ്രമം നടത്തി. സാമ്ബത്തിക ബാധ്യത ഉണ്ടായിരുന്നതിനാല്‍ എല്ലാം സഹിച്ചു തുടരുകയായിരുന്നുവെന്നു നിഷ പറഞ്ഞു. മലയാള സിനിമയിലെ വനിതാ കൂട്ടായ്മയായ ഡബ്ല്യുസിസി നിഷയ്ക്കു പിന്തുണ അറിയിച്ച്‌ രംഗത്തെത്തിയിരുന്നു. അമ്മയുടെ പ്രസിഡന്റ് മോഹന്‍ലാലും നിഷയ്ക്കു പിന്തുണ നല്‍കുമെന്നു വ്യക്തമാക്കി.

Share.

About Author

Leave A Reply

%d bloggers like this: