Saturday, April 21

ഈ മ യൗ ആഷിഖ് അബു ഏറ്റെടുത്തു; റിലീസും പ്രഖ്യാപിച്ചു

Google+ Pinterest LinkedIn Tumblr +

പ്രേക്ഷകർ ഏറെയായി കാത്തിരിക്കുന്ന ചിത്രമാണ് ലിജോ ജോസ് പെല്ലിശ്ശേരിയുടെ സ്വപ്നചിത്രം ഈ മ യൗ. ഒരു മരണവീട്ടിൽ നടക്കുന്ന സംഭവവികാസങ്ങളെ അധികരിച്ചുള്ള ചിത്രത്തിന്റെ പ്രീമിയർ ഷോ കണ്ട സെലിബ്രിറ്റീസ് അടക്കമുള്ള ഏവരും ചിത്രത്തെ കുറിച്ച് നൽകിയിരിക്കുന്നത് അത്ഭുതാവഹമായ റിപ്പോർട്ടാണ്. റിലീസിന് മണിക്കൂറുകൾ മുന്നേ പ്രദർശനം മാറ്റിവെച്ച ചിത്രം ഇനിയെന്ന് എത്തുമെന്ന പ്രേക്ഷകരുടെ ആകാംക്ഷകൾക്ക് ഒടുവിൽ വിരാമമായിരിക്കുകയാണ്. ആഷിഖ് അബു ഏറ്റെടുത്തിരിക്കുന്ന ചിത്രം മേയ് 4ന് തീയറ്ററുകളിൽ എത്തുമെന്നാണ് അറിയിച്ചിരിക്കുന്നത്. തന്റെ സോഷ്യൽ പേജുകളിലൂടെയാണ് ആഷിഖ് അബു ഇക്കാര്യം വ്യക്തമാക്കിയത്. “ഏറെ സന്തോഷത്തോടെയും അഭിമാനത്തോടെയും ലിജോയുടെ “ഈ മ യൗ” ഞങ്ങൾ ഏറ്റെടുക്കുന്ന വിവരം അറിയിക്കട്ടെ. അടുത്ത മാസം 4 ന് ചിത്രം നിങ്ങളിലേക്കെത്തും.” ആഷിഖ് അബു തന്റെ ഫേസ്ബുക്ക് പേജിൽ കുറിച്ചു. വിനായകൻ, ചെമ്പൻ വിനോദ് ജോസ്, ദിലീഷ് പോത്തൻ എന്നിവർ അണിനിരക്കുന്ന ചിത്രത്തിന്റെ തിരക്കഥയും സംഭാഷണങ്ങളും പി എഫ് മാത്യൂസും ക്യാമറ ഷൈജു ഖാലിദുമാണ്. ലിജോ ജോസ് പെല്ലിശ്ശേരിയുടെ ചിത്രങ്ങളിലെ വേറിട്ട ഗാനങ്ങൾ കൊണ്ട് എന്നും പ്രേക്ഷകരുടെ പ്രിയങ്കരനായ പ്രശാന്ത് പിള്ളൈ തന്നെയാണ് ഈ ചിത്രത്തിന്റെയും സംഗീത വിഭാഗം കൈകാര്യം ചെയ്യുന്നത്

 

കഴിഞ്ഞ ക്രിസ്തുമസിന് ആദ്യപ്രദർശനത്തിന് മണിക്കൂറുകൾക്ക് മുൻപ് റിലീസ് മാറ്റിവെച്ച ഈ മ യൗ ഇനിയെന്നെത്തുമെന്ന ചോദ്യത്തിന് ചിത്രം ആഷിഖ് അബു ഏറ്റെടുത്തതോടെ ഒരു ഉത്തരം ലഭിച്ചിരിക്കുന്നു

Share.

About Author

Leave A Reply

%d bloggers like this: